ڕزگار کردنی گیانی کۆچەریەک لە لایەن ئەندامانی گرووپێکی شاخەوانی
بەپێی هەواڵی گەییشتوو، ڕۆژی ڕابردوو کۆچەریەک بەهۆی ڕووداوی بەربوونەوە لە یەکێک لە شاخەکانی شاری دهلۆڕان بەسەختی بریندار بووە و پاش هەشت کاژێر لە لایەن تیمێکی شاخەوانی و بەهاوکاری تیمەکانی فریاکەوتن توانراوە گیانی ڕزگار بکرێت.
یەکێک لە شاخەوانەکانی ئەو گرووپە ڕایگەیاند، بەهۆی سەختی ڕێگای شاخی “سیاه کوه” لە شاری دهلۆڕان و تاریکی کەش و هەوا، گرفتێکی زۆر بۆ ڕزگار کردنی گیانی ئەو کۆچەریە هەبووە و لە ئاکامدا پاش هەشت کاژێر هەوڵ و تەقالای ئەو تیمە توانراوە گیانی ئەو هاووڵاتییە کە بەسەختی بریندار بووە ڕزگار بکرێت و بەمەبەستی وەرگرتنی چارەسەری پزیشکی ڕەوانەی ناوەندە دەرمانیەکانی ئەو شارە بکرێت.