گیان له‌ده‌ستدانی كرێكارێكی سیمبان له شاری كرماشان
ڕۆژی ١٣ی مانگی خاكه‌لێوه، كرێكارێكی سیمبان به ناوی “تووره‌ج حه‌یده‌ری” خه‌ڵكی شاری كرماشان به‌هۆی به‌رقگرتوویی له كاتی كاردا گیانی له‌ده‌ستدا.
هاوكارانی ئه‌و كرێكاره ڕایانگه‌یاندووه كه ناوبراو له كاتی كار و هه‌وڵدان بۆ چاره‌سه‌ركردنی كێشه‌ی پچڕانی به‌رق له‌سه‌ر ده‌كه‌ڵێكی به‌رق كه‌وتووه‌ته خواره‌وه و ده‌ستبه‌جێ گیانی له‌ده‌ستداوه. جێگای ئاماژه‌یه سیمبان و كرێكارانی شێركه‌تی وه‌زاره‌تی “نیروو” و شێركه‌تی به‌رقی ئێران له ماوه‌ی یه‌ك ساڵی ڕابردوو چه‌ندین جار له ناڕه‌زایه‌تی به هه‌بوونی په‌یمانكار له‌و شێركه‌تانه و نه‌بوونی جلی تایبه‌ت و كه‌ره‌سته‌ی پێویست و ئیمه‌نی بۆ كاره‌كه‌یان كۆ بوونه‌ته‌وه.
